नाडकर्णी बॅडमिंटन स्पर्धेचे बक्षीस वितरण थाटात

बेळगाव : मुंबई येथे सुहास नाडकर्णी स्मृती बॅडमिंटन स्पर्धेसाठी प्रमुख पाहुणे म्हणून बेळगावचे ज्येष्ठ उद्योजक व बॅडमिंटनपटू शिरीष गोगटे यांना आंतरराष्ट्रीय बॅडमिंटूनपटू प्रकाश पदुकोन व माजी कसोटीवीर सुनिल गावस्कर यांच्याबरोबर मान मिळाला आहे. मान्यवरांच्याहस्ते स्पर्धेतील विजेत्यांच्या बक्षिस देऊन गौरव करण्यात आला. मुंबई येथील बांद्रा येथील सुहास नाडकर्णी स्मृती बॅडमिंटन स्पर्धा आयोजित करण्यात आल्या होत्या. स्पर्धेच्या बक्षिस वितरण प्रसंगी प्रमुख पाहुणे म्हणून कसोटीवीर सुनिल गावस्कर, ज्येष्ठ बॅडमिंटनपटू व प्रक्षिशक प्रकाश पदुकोन त्याचप्रमाणे बेळगाव ज्येष्ठ बॅडमिंटनपटू शिरीष गोगटे आदी उपस्थित होते. आंतरराष्ट्रीय दर्जाच्या ज्येष्ठ खेळाडू व प्रशिक्षक व यांच्यासमवेत शिरीष गोगटे यांच्याहस्ते विजेत्यांना बक्षिस देण्यात आली. यावेळी सुनिल गावस्कर, प्रकाश पदुकोन यांच्याबरोबर शिरीष गोगटे यांनी बेळगावच्या क्रीडा संदर्भातील घडामोडीवर चर्चा केली.