मुरगांव हायस्कुलच्या विद्यार्थी मंडळाचा अधिकारग्रहण सोहळा

वास्को : हेडलॅण्ड-सडा येथील मुरगांव हायस्कुलच्या विद्यार्थी मंडळाचा अधिकारग्रहण सोहळा नुकताच पार पडला. याप्रसंगी व्यासपीठावर प्रमुख पाहुण्या म्हणून केपे येथील दिवाणी व फौजदारी न्यायालयाच्या वरिष्ठ न्याय दंडाधिकारी आरतीकुमारी नाईक तर सन्माननीय पाहुणे म्हणून वास्को रेल्वे पोलीस स्थानकाचे पोलीस निरीक्षक आनंद शिरोडकर तसेच शाळेचे मुख्याध्यापिक तुळशिदास देसाई उपस्थित होते. दीप प्रज्वलित करून कार्यक्रमाचे उद्घाटन करण्यात आले. दीपांजली पेडणेकर हिने सरस्वतीवंदना सादर केली. नृत्य सादर करून पाहुण्यांचे स्वागत करण्यात आले. मुख्याध्यापक तुळशिदास देसाई यांनी प्रास्ताविक केले. नवनिर्वाचित विद्यार्थी मंडळाच्या सदस्यांना शिक्षक जोसेफ फर्नांडिस यांनी शपथ दिली. विद्यार्थी प्रमुख विकास पाल व पलक चोडणकर, रेड हाऊस प्रमुख अथर्व नाईक, सहाय्यक निधी शेट्यो, ब्लू हाऊस प्रमुख युवराज हळदणकर, सहाय्यक प्रतिक सुरवाडे, ग्रीन हाऊस प्रमुख आर्यन नाईक, सहाय्यक चैतन्य किनळेकर, यलो हाऊस प्रमुख टी. के. मेघनाथ, सहाय्यक रिया गावस यांनाना मान्यवरांच्याहस्ते नेमणूक पत्रे प्रदान करण्यात आली. प्रमुख पाहुण्या आरतीकुमारी नाईक व सन्माननीय अतिथी आनंद शिरोडकर यांनी विद्यार्थ्याना मार्गदर्शन केले. कार्यक्रमाचे सूत्रसंचालन शिक्षिका मोनिका कार्दोज यांनी केले तर शिक्षिका अनुराधा शिरोडकर यांनी आभार मानले. राष्ट्रगीताने कार्यक्रमाची सांगता झाली.