ओटवणे :सावंतवाडी तालुक्यातील ओवळीये येथील माजी उपसरपंच लवू रामा सावंत (५५) यांचा डोक्यात दगड घालून खुन करण्यात आला. त्यामुळे दानोली परिसरात खळबळ उडाली आहे. मयत सावंत हे नजीकच्या पाचा येथील आपल्या शेतात असणाऱ्या मांगरात रविवारी रात्री झोपले होते. सोमवारी सकाळी त्यांचा भाऊ शेतात गेला असता त्याने आपल्या भावाला मृतावस्थेत पाहिले. या घटनेचा अधिक तपास पोलिस निरीक्षक फुलचंद मेंगडे व पोलीस हवालदार दत्ता देसाई करत आहेत.
