‘हर घर तिरंगा’ फडकविण्यासाठी मनपाची आज रॅली

बेळगाव : स्वातंत्र्यदिनानिमित्त ‘हर घर तिरंगा’ फडकविण्यासाठी शहरातून महानगरपालिकेच्यावतीने बुधवार दि. 14 रोजी सकाळी 8 वा. रॅली काढण्यात येणार आहे. कित्तूर चन्नम्मा सर्कल येथून या रॅलीला सुरुवात होणार आहे. या रॅलीमध्ये महानगरपालिकेच्या अधिकाऱ्यांसह कर्मचाऱ्यांचा सहभाग राहणार आहे. देशाला 15 ऑगस्ट रोजी स्वातंत्र्य मिळाले. स्वातंत्र्य दिन हा प्रत्येकांनीच साजरा करून देशाप्रती प्रेम आजपर्यंत व्यक्त केले आहे. या स्वातंत्र्य दिनादिवशी प्रत्येकांनी आपल्या घरावर तिरंगा ध्वज लावून देशाप्रती प्रेम व्यक्त करावे, असे आवाहन पंतप्रधान नरेंद्र मोदी यांनी केले आहे. त्यानुसार जिल्हा प्रशासन तसेच इतर स्थानिक स्वराज्य संस्थांच्या माध्यमातून स्वातंत्र्यदिनाची जनजागृती केली जाणार आहे. हर घर तिरंगाचा नारा देण्यात आला आहे. त्यासाठीच शहरातून या रॅलीचे आयोजन करण्यात येणार असल्याचे मनपा आयुक्त अशोक दुडगुंटी यांनी पत्रकाद्वारे स्पष्ट केले आहे.