बेळगाव : महापालिकेच्या अधीक्षक अभियंत्या लक्ष्मी निपाणीकर व मनपा अधिकाऱ्यांनी प्रभाग क्र. 10 मध्ये येणाऱ्या संभाजी गल्ली येथे पाहणी दौरा करून तेथील समस्यांची माहिती घेतली आहे. यावेळी तेथील नाला, ड्रेनेज लाईन व जुन्या नाल्यासंदर्भात स्थानिक रहिवाशांनी समस्या अधिकाऱ्यांना सांगितल्या. यावर तातडीने तोडगा काढला जाईल, असे आश्वासन यावेळी अधिकाऱ्यांनी दिले. गेल्या काही वर्षांपासून संभाजी गल्ली येथे नाला व ड्रेनेज लाईनची समस्या कायम आहे. त्यामुळे येथील समस्या सोडवाव्यात, अशी मागणी रहिवाशांकडून नगरसेविका वैशाली भातकांडे यांच्याकडे केली जात होती. याबाबत त्यांनी महापालिकेकडे पाठपुरावा चालविला होता. त्यानुसार अधीक्षक अभियंत्या लक्ष्मी निपाणीकर व मनपा अधिकाऱ्यांनी समस्या जाणून घेतल्या. यावेळी नगरसेविका वैशाली भातकांडे, अक्षता अडगुडकर, कपिल देसाई, सिद्धार्थ भातकांडे तसेच गल्लीतील महिला व नागरिक उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
