बेळगाव : महांतेशनगर येथील प्रगती गार्डनमध्ये जखमी वासरू बराच उशीर तसेच पडून होते. काही जणांनी याची माहिती महानगरपालिकेला दिली. त्यानंतर महानगरपालिकेच्या कर्मचाऱ्यांनी त्याठिकाणी जाऊन त्या जखमी वासराला वाहनातून श्रीनगर येथील गो-शाळेमध्ये आणले. त्यानंतर त्याच्यावर उपचार करण्यात आले. गेल्या काही दिवसांपासून बऱ्याच ठिकाणी बेवारस वासरे सोडून जाण्याचे प्रकार उघडकीस येत आहेत. याचबरोबर वासरे पडून जखमीही होत आहेत. गुरुवारी सायंकाळी भरपावसातच एक वासरू प्रगती गार्डनमध्ये बराच उशीर पडून होते. त्याला उठताही येत नव्हते. त्यामुळे महानगरपालिकेच्या अधिकाऱ्यांना याची माहिती देण्यात आली. महानगरपालिकेच्या कर्मचाऱ्यांनी त्या वासराला ताब्यात घेतले. राजू संकण्णावर आणि इतरांनी उपचार सुरू केले आहेत.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
