बेळगाव : हॉटेलमधील अस्वच्छता आणि सिंगल युज प्लास्टिकचा उपयोग करणाऱ्या अनगोळ नाका येथील दोन हॉटेल्सवर महापालिकेच्या आरोग्य विभागाने कारवाई केली आहे. बुधवारी सायंकाळी ही कारवाई करण्यात आली असून दोन हॉटेलचालकांवर सात हजार रुपये दंडात्मक कारवाई करण्यात आली आहे. महानगरपालिकेच्या आरोग्य विभागाकडून सिंगल युज प्लास्टिकची विक्री करणाऱ्यावर कारवाई केली जात आहे. त्याचबरोबर हॉटेलमध्ये अस्वच्छता आढळून आल्यास संबंधित हॉटेलमालकांवरही कारवाई सुरू आहे. अनगोळ नाका येथील दोन हॉटेलवर आरोग्य अधिकारी डॉ. संजीव नांद्रे यांनी आपल्या सहकाऱ्यांसह बुधवारी सायंकाळी छापा टाकला. त्या ठिकाणी अस्वच्छता, त्याचबरोबर सिंगल प्लास्टिक आढळून आल्याने त्यांच्यावर सात हजार रुपये दंडात्मक कारवाई करण्यात आली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
