महापालिकेकडून भटकी जनावरे पकडण्याची मोहीम

बेळगाव : महानगरपालिकेच्या पथकाकडून भटकी जनावरे पकडून ती श्रीनगर येथील गेशाळेत सोडण्यात आली. एकूण 3 जनावरे पकडण्यात महापालिका कर्मचाऱ्यांना यश आले. नागरिकांकडून होणाऱ्या वाढत्या तक्रारींमुळे ही मोहीम राबविली जात आहे. हुतात्मा चौक, रामलिंगखिंड गल्ली व शहापूर परिसरात जनावरे पकडण्यात आली. भटक्या जनावरांमुळे रहदारीस अडथळा, तसेच विक्रेत्यांना मनस्ताप सहन करावा लागत असल्याने भटकी जनावरे पकडण्यात आली.