बेळगाव : गणेशोत्सवाच्या पार्श्वभूमीवर महानगरपालिकेकडून शहर व उपनगरातील रस्त्यांच्या पॅचवर्कचे काम सुरू करण्यात आले आहे. प्रभाग क्र. 51 मधील विविध ठिकाणी पॅचवर्कचे काम नगरसेवक श्रीशैल कांबळे यांच्या पुढाकारातून हाती घेण्यात आले आहे. त्यामुळे गणेशभक्तातून समाधान व्यक्त केले जात आहे. प्रभाग क्र. 51 मध्ये येणाऱ्या अनगोळ-वडगाव रोड, सह्याद्री कॉलनी, पटवर्धन कॉलनी, साई कॉलनी, आंबेडकरनगर, जे. जे. पाटील गोडावून रोड आदी ठिकाणी रस्त्यांची चाळण झाली होती. या मार्गावरून सार्वजनिक श्रीमूर्ती नेल्या जातात. त्यामुळे गणेशोत्सवापूर्वी शहरातील रस्त्यांच्या दुरुस्तीचे काम हाती घेण्यात यावे, अशी मागणी यापूर्वीच करण्यात आली होती. त्यानुसार जिल्हाधिकारी मोहम्मद रोशन यांनी मनपा आयुक्त शुभा बी. यांना रस्त्यांच्या दुरुस्तीचे काम हाती घेण्याची सूचना केली होती. त्यानुसार गेल्या चार दिवसांपासून विविध ठिकाणी रस्त्यांचे पॅचवर्क केले जात आहे. आवश्यक ठिकाणी पेव्हर्स व डांबर घातला जात आहे. महानगरपालिकेने या हाती घेतलेल्या कामामुळे नागरिकांतून समाधान व्यक्त केले जात आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
