ऑनलाईन टीम / मुंबई :
मुंबई पोलिसांच्या वाहतूक शाखेला पुन्हा एकदा धमकीचा मेसेज प्राप्त झाला आहे. पंतप्रधान नरेंद्र मोदी आणि उत्तरप्रदेशचे मुख्यमंत्री योगी आदित्यनाथ आपल्या टार्गेटवर आहेत. तसेच मुंबईत पुन्हा एकदा 26/11 सारखा हल्ला करणार आहे. त्यासाठी काही ठिकाणी काडतुसे आणि एके 47 असल्याचे देखील धमकी देणाऱ्याने मेसेजमध्ये म्हटले आहे. या मेसेजनंतर मुंबई पोलीस सतर्क झाले आहेत.
या प्रकरणाची गंभीर दखल घेत मुंबईतील वरळी पोलीस ठाण्यात अज्ञात व्यक्तीविरोधात भादवी कलम 509 (2) अंतर्गत गुन्हा दाखल करण्यात आला आहे. मुंबई पोलीस आरोपीचा शोध घेत आहेत.
Maharashtra | Mumbai's traffic control room receives threat message, threatening that UP CM Yogi Adityanath & PM Modi govt are on target. The accused also threatened to be ready for a 26/11 like terrorist attack. A case under section 509 (2) of the IPC has been registered against…
— ANI (@ANI) July 18, 2023
दरम्यान, यापूर्वीही पंतप्रधान नरेंद्र मोदी, केंद्रीय गृहमंत्री अमित शाह आणि बिहारचे मुख्यमंत्री नितीश कुमार यांना जीवे मारण्याची धमकी आली होती. दिल्लीतील मादीपूर मतदारसंघातील रहिवासी सुधीर शर्मा नावाच्या व्यक्तीने ही धमकी दिली होती. दिल्ली पोलिसांनी त्याच्यावर कारवाई केली होती.
