वृत्तसंस्था/ अहमदाबाद
इंडियन महिलांच्या 2023 सालातील लिग फुटबॉल स्पर्धेत मुंबई नाईट्स एफसी संघाने पहिला पराभव नोंदविला. या स्पर्धेतील झालेल्या सामन्यात ईस्ट बंगाल एफसीने मुंबई नाईट्स एफसीचा 4-2 अशा गोलफरकाने पराभव केला.
मुंबई नाईट्स एफसी संघाने यापूर्वीचा आपला सामना गोलशून्य बरोबरीत राखला होता तर ईस्ट बंगाल एफसीने या स्पर्धेतील आपला पूर्वीचा सामना 2-0 असा जिंकला होता. गुरुवारच्या सामन्यात ईस्ट बंगाल एफसीने पूर्वार्धात 3 गोल नोंदविले. त्यांच्या हलदरने 30 व्या मिनिटाला तर तुलसी हेमब्रामने 37 व्या मिनिटाला तर मौसमी मुरमूने 43 व्या मिनिटाला गोल केले. 55 व्या मिनिटाला रिंपा हलदरने संघाचा चौथा तर वैयक्तिक दुसरा गोल केला. मुंबई नाईट्सतर्फे प्रियांका आणि नम्रता यांनी प्रत्येकी 1 गोल केला. या सामन्यात ईस्ट बंगालने 3 गुण मिळविले. या स्पर्धेत अ गटात मुंबई नाईट्स एफसी संघ दुसऱ्या स्थानावर आहे.
