चिपळूण, प्रतिनिधी
Chiplun Road Accident : मुंबई-गोवा राष्ट्रीय महामार्गावरील सावर्डे येथील वहाळ फाटा येथे रस्त्यालगत असलेल्या घरावर कंटेनर कलंडल्याची घटना घडली. या घटनेत घराचे मोठे नुकसान झाले असले तरी सुदैवाने घरातील कोणालाही दुखापत झालेली नाही.
वहाळ फाटा येथील राहिवासी शशिकांत आत्माराम वारे यांचे घर महमार्गालगत आहे. घरासमोर भुयारी मार्गाचे काम सुरू असल्याने महामार्गावरील वाहने सर्व्हिस रोडने ये-जा करतात. बुधवारीचिपळूणकडून रत्नागिरीकडे निघालेल्या कंटेनरवरील चालकाचा ताबा सुटला व कंटेनर रस्त्याकडेला येऊन नजीकच्या घरावर कलंडला. या घटनेमुळे वारे कुटांबियांमध्ये गोंधळ उडाला. त्यांनी बाहेर येऊन पाहिले असता घराच्या पडवीवर कंटेनर कलंडल्याचे दिसले. या घटनेमुळे घराची कौले व भिंतीचे नुकसान झाले आहे. याविषयी सावर्डे पोलिसांना माहिती देण्यात आली असून गुन्हा दाखल करण्याची प्रक्रिया सायंकाळी उशिरा सुरू होती.
