पाच वर्षांमधील फंडमधील गुंतवणुकीच्या सरासरी कामगिरीचा आलेख सकारात्मकच
वृत्तसंस्था /नवी दिल्ली
म्युच्युअल फंडात गुंतवणूक करायची असेल पण बाजारात चढउतार राहिला व अशास्थितीत एखाद्या विशिष्ट कंपनीत गुंतवणूक करण्याचा धोका वाटत असेल तर मल्टीकॅप फंडात गुंतवणूक करण्याचा पर्याय चांगला असू शकतो. येथे गुंतवणूक करून, समतोल पद्धतीने 3 मार्केट कॅप (स्मॉल, मिड आणि लार्ज कॅप) मध्ये गुंतवणुकीचा लाभ मिळू शकतो. मल्टीकॅप फंडांनी गेल्या 5 वर्षात सरासरी 19.21 टक्के प्रतिवर्ष, तीन वर्षात 31.01टक्के आणि 10 वर्षात वार्षिक 20.09टक्के परतावा दिला आहे. तथापि, बाजार आणि तुमच्या गुंतवणूक धोरणानुसार ते कमी-अधिक असू शकते. तुम्ही मल्टी कॅप म्युच्युअल फंडात किमान रु. 100 सह गुंतवणूक सुरू करू शकता.
मल्टीकॅप फंड म्हणजे काय?
मल्टीकॅप फंड हे वैविध्यपूर्ण म्युच्युअल फंड आहेत. म्हणजेच स्मॉलकॅप, मिड कॅप आणि लार्ज कॅपचा ‘पॅकेज’ फंड. यामध्ये, एकाच फंडाद्वारे तुम्ही सर्व आकार आणि क्षेत्रातील कंपन्यांमध्ये एकाचवेळी गुंतवणूक करता. अलीकडे ही फंड योजना खूप लोकप्रिय झाली आहे.
स्मॉलकॅप, मिडकॅप आणि लार्जकॅप कंपन्या काय आहेत?
बाजार भांडवलानुसार बाजार मूल्य, देशातील सर्व कंपन्यांची 3 श्रेणींमध्ये विभागणी करण्यात आली आहे. यापैकी ज्या कंपन्यांचे मार्केट कॅप 20 हजार कोटी रुपये किंवा त्याहून अधिक आहे त्यांना लार्जकॅप कंपन्या म्हणतात आणि ज्यांचे मूल्य 20 हजार कोटी रुपयांपेक्षा कमी परंतु 5 हजार कोटी रुपयांपेक्षा जास्त आहे त्यांना मिड कॅप कंपन्या म्हणतात. तर स्मॉल कॅप कंपन्या अशा कंपन्या आहेत ज्यांचे मूल्यांकन 5 हजार कोटी रुपयांपेक्षा कमी आहे.
गुंतवणूक कुठे आणि किती?
बाजार नियामक सिक्युरिटीज अँड एक्सचेंज बोर्ड ऑफ इंडियाच्या नियमांनुसार म्हणजे सेबी, मल्टी कॅपमध्ये गुंतवणूक करण्यासाठी, तुम्हाला तिन्ही प्रकारच्या कंपन्यांमध्ये किमान 25-25 टक्के रक्कम गुंतवावी लागेल. तुमचा फंड व्यवस्थापक बाजारातील परिस्थितीनुसार उर्वरित 25टक्के निधीची गुंतवणूक करतो. फंड मॅनेजर हा गुंतवणूक तज्ञ असतो, ज्याचे काम गुंतवणुकीचे निर्णय घेणे आणि गुंतवणूक करणे होय.
