ऑनलाईन टीम / तरुण भारत :
Mukesh Ambani-Eknath Shinde meeting on ‘Varsha’ banglow रिलायन्स उद्योग समूहाचे सर्वेसर्वा मुकेश अंबानी (Mukesh Ambani) यांनी काल रात्री साडेबाराच्या सुमारास मुख्यमंत्री एकनाथ शिंदे (Eknath Shinde) यांची वर्षा बंगल्यावर भेट घेतली. दोघांमध्ये जवळपास एक तास बंद दाराआड चर्चा झाली. यावेळी मुकेश अंबानींचे पुत्र अनंत अंबानी आणि शिंदे गटाचे नेते किरण पावस्कर हे देखील उपस्थित होते. या भेटीमध्ये काय चर्चा झाली हे अद्याप गुलदस्त्यात आहे.
देशातील आघाडीचे उद्योगपती गौतम अदानी यांनी बुधवारी शिवसेना पक्षप्रमुख उद्धव ठाकरे यांची भेट घेतली होती. त्यानंतर काल रात्री जवळपास साडेबारा वाजण्याच्या सुमारास उद्योगपती मुकेश अंबानी आणि त्यांचे सुपुत्र अनंत अंबानी यांनी मुख्यमंत्री शिंदे यांची ‘वर्षा’ बंगल्यावर भेट घेतली. या भेटीबाबत कमालीची गुप्तता पाळण्यात आली होती. त्यामुळे या भेटीमागचं कारण अद्याप समजू शकलं नाही. देशातील क्रमांक एक आणि क्रमांक दोनच्या उद्योगपतींनी घेतलेल्या या राजकीय गाठीभेटीमुळे चर्चांना उधाण आलं आहे.
अधिक वाचा : प्रकल्पविरोधी राजकारण करणारे तेच, सीतारामन यांचा सेनेवर पलटवार
कोणताही नवीन प्रकल्प महाराष्ट्रात उभारायचा असेल उद्योगपती मुख्यमंत्र्यांची भेट घेणं साहजिक आहे. त्यामुळे ही भेट व्यावसायिक असल्याचंही सांगितलं जात आहे.
