बेळगाव : गेंधळी गल्ली येथे मुख्य जलवाहिनीला लागलेली गळती काढण्यासाठी खोदकाम करण्यात आले होते. गळती काढण्यात आल्यानंतर मातीचा ढिगारा मात्र तसाच त्याठिकाणी ठेवण्यात आला होता. याबाबत एलअँडटीला वारंवार सांगूनदेखील ढिगारा हटवून खड्डा बुजविण्यात न आल्याने मंगळवारी नगरसेवक शंकर पाटील यांनी स्वत:हून जेसीबीद्वारे खड्डा बुजवून वाहतुकीसाठी रस्ता खुला करून दिला. गोंधळी गल्ली येथील मुख्य जलवाहिनीला गळती लागल्याने दुरुस्तीच्या कामासाठी खोदकाम करण्यात आले होते. मात्र बऱ्याच दिवसांपासून खड्ड्यात माती भरण्यात न आल्याने ढिगारा तसाच होता. याचा फटका वाहनचालकांना बसत होता. त्यामुळे मातीचा ढिगारा हटवून खड्डा भरण्यात यावा, अशी मागणी एलअँडटीकडे नगरसेवक शंकर पाटील यांच्याकडून केली जात होती. मात्र वारंवार पाठपुरावा करूनदेखील एलअँडटीने याकडे दुर्लक्ष केल्याने नगरसेवक शंकर पाटील यांनी स्वत:हून मंगळवारी जेसीबी लाव न मातीचा ढिगारा हटविला. वाहतुकीसाठी रस्ता खुला करून देण्यात आल्याने स्थानिक रहिवाशांतून समाधान व्यक्त केले जात आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
