आदित्य रॉय कपूर नायकाच्या भूमिकेत
आदित्य रॉय कपूर आणि मृणाल ठाकूरचा चित्रपट ‘गुमराह’ लवकरच चित्रपटगृहांमध्ये प्रदर्शित होणार आहे. सत्यघटनेवर आधारित या क्राइम थ्रिलर पटात पहिल्यांदा मृणाल आणि आदित्य ही जोडी दिसून येणार आहे. या चित्रपटाचे चित्रिकरण यापूर्वीच संपले असून आता याच्या प्रदर्शनाची तारीख जाहीर करण्यात आली आहे.
या क्राइम थ्रिलरपटात आदित्य रॉय कपूर हा दोन वेगवेगळय़ा अवतारांमध्ये दुहेरी भूमिका साकारताना दिसून येणार आहे. दोन्ही भूमिकांदरम्यना इंटेंस फेस ऑफ दिसून येईल. ‘गुमराह’ चित्रपटाद्वारे वर्धन केतकर हा दिग्दर्शक म्हणून पदार्पण करत आहे. तर या चित्रपटाची निर्मिती भूषण कुमार यांची टी-सीरिज आणि मुराद खेतानींच्या सिने वन स्टुडिओकडून करण्यात आली आहे.
‘गुमराह’ हा तेलगू चित्रपट ‘थंडम’चा हिंदी रिमेक आहे. याचे दिग्दर्शन मागीज थिरुमेनी यांनी केले होते. ‘थंडम’मध्ये अरुण विजय, तान्या होप, स्मृती वेंकट आणि विद्या प्रदीप मुख्य भूमिकेत दिसून आले हेते. तर याचा हिंदी रिमेक 7 एप्रिल रोजी प्रदर्शित होणार आहे. या चित्रपटाकरता मृणाल आणि आदित्यचे चाहते उत्सुक दिसून येत आहेत. आदित्य यापूर्वी ‘राष्ट्र कवच ओम’ चित्रपटात दिसून आला होता, हा चित्रपट अयशस्वी ठरला होता. तर मृणाल यापूर्वी ‘जर्सी’मध्ये दिसून आली होती, यातील शाहिद कपूरसोबतच्या तिच्या जोडीला चाहत्यांची पसंती मिळाली होती.
