दाक्षिणात्य स्टार नानी यापूर्वी ‘दशहरा’ या अॅक्शन ड्रामा चित्रपटात दिसून आला होता. नानी आता ‘हाय नन्ना’ या चित्रपटात दिसून येणार असून याची कहाणी एका बापलेकीची असून यात एक रोमँटिक अँगलही असणार आहे. या चित्रपटाचा टीझर सादर करण्यात आला आहे. तसेच हा चित्रपट 7 डिसेंबर रोजी प्रदर्शित होणार असल्याची घोषणा करण्यात आली आहे. नानी यावेळी भावनाप्रधान व्यक्तिरेखेत दिसून येईल. नानीला या चित्रपटात मृणाल ठाकूरसोबत ऑन-स्क्रीन रोमान्स करताना पाहिले जाणार आहे. या चित्रपटातील त्यांची जोडी अत्यंत सुंदर दिसून येतेय. तर नानीच्या मुलीची भूमिका बेबी कियारा खन्नाने साकारली आहे. या चित्रपटाचे दिग्दर्शन शौरयुवने केले असून त्यांनी या भावुक करणाऱ्या कहाणीला अत्यंत उत्तमप्रकारे मोठ्या पडद्यावर साकारण्याची किमया केली आहे. चित्रपटाला हेशम अब्दुल वहाबचे संगीत लाभले आहे. हेशमने यापूर्वी ‘खुशी’ चित्रपटाला संगीत दिले होते. तर हाय नन्ना चित्रपट 7 डिसेंबर रोजी प्रदर्शित होईल. चित्रपट तमिळ, तेलगू, कन्नड, मल्याळी आणि हिंदी भाषेत प्रदर्शित करण्यात येणार आहे.
Tarun Bharat Portal
Parasharam Patil is a versatile content writer, scriptwriter, and content producer at Tarun Bharat Media. Specializes in editorial news, local news entertainment, and political content. His captivating storytelling and deep industry knowledge make him an expert in crafting engaging narratives.
Related Posts
