महसूलात मात्र झाली वाढ : निकालानंतर समभागही प्रभावीत
नवी दिल्ली : टायर उत्पादनात अग्रेसर असणारी कंपनी एमआरएफ शेअरबाजारात पुन्हा एकदा चर्चेच्या केंद्रस्थानी आहे. प्रत्यक्षात मंगळवार 12 ऑगस्ट रोजी, एमआरएफ कंपनीने आर्थिक वर्ष 2026 चा जून तिमाही निकाल जाहीर केला आहे. एमआरएफ लिमिटेडने जून तिमाहीत नफ्यात 13.35 टक्क्यांची घसरण नोंदवली आहे. तर महसुलात 6.65 टक्क्यांची वाढ नोंदवली आहे. तिमाही निकालांनंतर एमआरएफच्या समभागामध्ये 1 टक्क्यांची घसरण दिसून आली. देशातील सर्वात महागडा शेअर असल्याचे बिरुद धारण करत, एमआरएफ कंपनीने माहिती दिली आहे की, जून तिमाहीत त्यांचा एकत्रित निव्वळ नफा 500.47 कोटी रुपयांच्या पातळीवर नोंदवला गेला आहे. जो 1 वर्षापूर्वी जून तिमाहीत 571.02 कोटी रुपयांच्या पातळीवर होता. जो वार्षिक आधारावर 13.35 टक्क्यांची घट दर्शवित आहे.
या वर्षीच्या जून तिमाहीत महसूल वर्षाच्या आधारावर 6.65 टक्केने घटून 7,675.69 कोटी रुपये झाला आहे, जो मागील वर्षीच्या जून तिमाहीत 7,196.45 कोटी रुपये होता. एमआरएफ कंपनीने पुढे माहिती दिली की जून तिमाहीत त्यांचे एकूण उत्पन्न 7802 कोटी रुपये नोंदवले गेले आहे जे वर्षाच्या आधारावर 7.2 टक्क्यांची वाढ दर्शवित आहे. यापूर्वी, जून तिमाहीत कंपनीचे एकूण उत्पन्न 7280.49 कोटी रुपये होते. यावेळच्या जून तिमाहीत टायर कंपनी एमआरएफचे ऑपरेटिंग मार्जिन 8.37 टक्केच्या वर आले आहे, जे एका वर्षापूर्वीच्या जून तिमाहीत 10.61 टक्के होते. तर जून तिमाहीत एमआरएफ कंपनीचे निव्वळ नफा मार्जिन 6.41 टक्के होते जे एका वर्षापूर्वीच्या जून तिमाहीत 7.84 टक्क्यांपेक्षा कमी आहे.
