देशातील 500 स्पर्धकांची उपस्थिती
बेळगाव : इंडियन बॉडी बिल्डर्स फेडरेशनतर्फे 16 वी सिनीयर पुरुष शरीरसौष्ठव व महिला मॉडेल फिजिक स्पर्धेची तयारी अंतिम टप्पात आली असुन बुधवारी प्रमुख स्पर्धेला प्रारंभी होणर आहे. अंगडी कॉलेज मैदान, सावगांव रोड, बेळगाव येथे होणाऱ्या या स्पर्धेत देशातील 16 युनिटमधील 500 स्पर्धक व 300 पंच उपस्थित राहणार आहेत. यावेळी आयबीबीएफचे अध्यक्ष रमेशकुमार, सचिव हिरल सेठ, मि. वर्ल्ड प्रेमचंद्र डिगरा, मधुकर तळलकर, टी. व्ही. पॉली, भास्करन्, तुलशी सुजल, अजित सिद्दन्नावर, सुनील आपटेकर, बॉबी सिंग आदी पदाधिकारी यावेळी उपस्थित राहणार आहेत. या स्पर्धा रोटरी क्लब ऑफ बेळगाव, कर्नाटक असोसिएशन ऑफ बॉडी बिल्डर व बेळगाव डिस्ट्रीक्ट बॉडी बिल्डर्स असोसिएशन यांच्या सहकार्याने होणार आहेत.
ही स्पर्धा इंडियन बॉडी बिल्डर्स असोसिएशनच्या नियमानुसार 55 कि लो., 60, 65, 70, 75, 80, 85, 100 व 100 वरील गटात होणार आहे. सदर स्पर्धेत 16 युनिटमधून 500 स्पर्धक देशातील वेगवेगळ्या राज्यातून सहभागी होणार असून 300 पंचही उपस्थित राहणार आहेत. 15 रोजी स्पर्धेचे उद्घाटन होणार असून त्या दिवशी फ्रि पोझिंग होणार असून 16 रोजी प्रमुख स्पर्धा होणार आहे. 23 वर्षानंतर या स्पर्धा बेळगाव शहरात होत आहेत. 2003 साली बेळगाव शहरात प्रथम ‘मि. इंडिया’ ही स्पर्धा घेण्यात आली होती. बेळगाव शहर हे शरीरसौष्ठव क्षेत्रात संपूर्ण भारत वर्षात प्रसिद्ध आहे. 16 व्या सीनियर पुरुष महिला स्पर्धेसाठी संपूर्ण देशभरातून रेल्वे, पोलीस, सर्विसीस अशा विविध संघातून 500 हून अधिक स्पर्धक व 250 अधिक ऑफिशियल भाग घेणार आहेत. त्याच बराब्sार विजेत्या स्पर्धकांना दिली जाणारी 25 लाखहून अधिक रक्कमेची बक्षिसे सतीश जारकीहोळी फाऊंडेशनतर्फे देण्यात येणार आहेत.
