बेळगाव : खासदार जगदीश शेट्टर यांनी गुरुवारी चेंबर ऑफ कॉमर्स व इंडस्ट्रीचे अध्यक्ष व व्यवस्थापन मंडळाच्या सदस्यांची भेट घेऊन शहरात हाती घेतलेल्या विविध विकासकामांविषयी चर्चा केली. बेळगाव-बेंगळूर वंदे भारत एक्स्प्रेस सुरू करण्यासाठी परिश्रम घेतल्याबद्दल चेंबरतर्फे खासदारांचा सत्कार करण्यात आला. बेळगाव परिसरात उद्योग व्यवसाय वाढीला पूरक ठरणाऱ्या अनेक विषयांवर चर्चा झाली. बेळगाव-कित्तूर-धारवाड नूतन रेल्वेलाईनची कामे अंतिम टप्प्यात आहेत. रिंगरोड, बायपास व विमानतळाच्या विकासासंबंधीही खासदारांनी चेंबरच्या सदस्यांना माहिती दिली. बेळगावच्या औद्योगिकीकरणासाठी आणखी प्रयत्न करण्याची ग्वाहीही खासदारांनी दिली. चेंबरचे अध्यक्ष प्रभाकर नागरमुन्नोळी, ज्येष्ठ उपाध्यक्ष स्वप्नील शहा, सचिव सतीश कुलकर्णी, सहसचिव मनोज मत्तीकोप, खजिनदार संजय पोतदार, आनंद देसाई, श्री. धरगशेट्टी, श्री. कपाडिया, विक्रम जैन, श्री. गुरव व एम. के. हेगडे आदी यावेळी उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
