किमान वेतनासाठी सफाई कर्मचाऱ्यांचे आंदोलन

बेळगाव : पोलीस स्थानकात काम करणाऱ्या सफाई कर्मचाऱ्यांना किमान वेतन द्यावे, अशी मागणी राज्यातील सफाई कर्मचारी संघटनेच्यावतीने मुख्यमंत्र्यांकडे करण्यात आली. मागील अनेक वर्षांपासून सफाई कर्मचारी काम करत असून त्यांना निश्चित वेतन नसल्याने कुटुंब चालविणे कठीण होत असल्याने निश्चित वेतन देण्याची मागणी निवेदनाद्वारे करण्यात आली. पोलीस स्थानकामध्ये सेवा बजावणाऱ्या कर्मचाऱ्यांचा ड वर्ग कर्मचाऱ्यांमध्ये समावेश करावा. राज्यातील 977 कर्मचाऱ्यांना किमान वेतन द्यावे, तसेच इतर सेवासुविधा देण्याची मागणी निवेदनाद्वारे करण्यात आली. यावेळी बेळगाव परिसरातील कर्मचारी मोठ्या संख्येने उपस्थित होते.