राष्ट्रीय स्वयंसेवक संघाचे शहरात पथसंचलन

बेळगाव : राष्ट्रीय स्वयंसेवक संघ बेळगाव शहर शाखेतर्फे विजयादशमी उत्सव व पथसंचलन झाले. प्रारंभी प्रार्थना झाल्यानंतर शहरात पथसंचलनाला सुरूवात झाली. सरदार्स मैदानापासून या संचलनाला सुऊवात झाली. पुढे काकतीवेस रोड, शनिवार खूट, गणपत गल्ली, नरगुंदकर भावे चौक, माऊती गल्ली, किर्लोस्कर रोड, धर्मवीर संभाजी चौक, गोंधळी गल्ली, कॉलेज रोडमार्गे लिंगराज महाविद्यालयाच्या मैदानात सांगता झाली. यावेळी सेवक सदंड गणवेशात उत्स्फूर्तपणे सहभागी झाले होते. यावेळी कर्नाटक उत्तर प्रांत राष्ट्रीय स्वयंसेवक सदस्य रविंद्र म्हणाले, नवरात्री उत्सव हा आराधना आणि शक्तीचा उत्सव आहे. शिव म्हणजे शक्ती आणि शक्ती म्हणजे पार्वती. हिंदूंची जगातील सर्वात मोठी संघटना म्हणून राष्ट्रीय स्वयंसेवक संघ सर्वांना सुपरिचित आहे. सर्व जाती-धर्माच्या व्यक्ती संघात कार्यरत असल्याचे त्यांनी सांगितले. संचलनानंतर लिंगराज कॉलेजच्या मैदानात शारीरिक कवायती झाल्या. यामध्ये स्वयंसेवक संघाच्या कार्यकर्त्यांनी उत्कृष्ट सादरीकरण केले. याबरोबर योग, व्यायाम आणि घोष प्रदर्शन झाले. तसेच बँड पथकाने उत्कृष्ट सादरीकरण करून आकर्षण वाढविले. रविवारी संघाचे पथसंचलन शांततेत व उत्साहात पार पडले. याप्रसंगी शेकडो सेवक सदंड उपस्थित होते. पथसंचलनाचे प्रमुख पाहुणे म्हणून जीएसएस कॉलेजचे प्राचार्य बी. एल. मजुकर उपस्थित होते. त्यांनी यावेळी आपले विचार व्यक्त केले. पाहुण्यांचा परिचय शिवानंद नरोटी यांनी करून दिला. शुभम रणसुभे यांनी सूत्रसंचालन केले तर रमेश धोत्रे यांनी आभार मानले.