‘द भूतनी’मध्ये मौनी रॉय

संजय दत्तने स्वत:चा नवा चित्रपट ‘द भूतनी’चा टीझर सादर केला आहे. या चित्रपटात मौनी रॉय ही भूतनीच्या भूमिकेत दिसून येणार आहे. संजय दत्त आणि मौनी पहिल्यांदाच एकत्र काम करत आहेत.  हा चित्रपट 18 एप्रिल रोजी प्रदर्शित केला जाणार आहे. या चित्रपटात मौनीने भूताची भूमिका साकारली आहे. तर संजय दत्त घोस्टबस्टर झाला आहे. टीझरमध्ये पलक तिवारीचीही झलक असून ती भूताच्या अवतारात दिसून येत आहे. टीझरमध्ये अनेक भीतीदायक दृश्यं असून ती अंगावर काटा आणणारी आहेत. या चित्रपटातील संजय दत्तच्या लुकचे चाहते कौतुक करत आहेत. द भूतनी या चित्रपटाचे दिग्दर्शन सिद्धांत सचदेवने पेले आहे. चित्रपटात संजय दत्त, मौनी रॉय, पलक तिवारी आणि सनी सिंहसोबत पंचायत सीरिज फेम आसिफ खान देखील आहे. हा चित्रपट 18 एप्रिल रोजी प्रेक्षकांच्या भेटीला येणार आहे.