विमानतळ प्राधिकरण-गोगटे महाविद्यालय यांच्यात सामंजस्य करार

बेळगाव : गोगटे महाविद्यालय वाणिज्य विभाग व भारतीय विमानतळ प्राधिकरण यांच्या इंटर्नशिप कार्यक्रमांतर्गत सामंजस्य करार करण्यात आला. ही इंटर्नशिप एएआयच्या उद्योग-शैक्षणिक सहकार्याला प्रोत्साहन देण्याबाबत, विमान वाहतूक पायाभूत सुविधा, व्यवस्थापन क्षेत्रातील नवोदित व्यावसायिकांना व्यावहारिक अनुभव प्रदान करण्याच्या उपक्रमांचा एक भाग आहे. इंटर्नशिपदरम्यान विद्यार्थ्यांची बेळगाव विमानतळावर नियुक्ती केली जाणार आहे. विद्यार्थी वरिष्ठ अभियंते व व्यवस्थापन अधिकाऱ्यांच्या मार्गदर्शनाखाली काम करणार आहेत. प्रशिक्षणावेळी ऑपरेशन्स, सिव्हिल व इलेक्ट्रिकल अभियांत्रिकी प्रकल्प, टर्मिनल व्यवस्थापन, एअर नेव्हिगेशन सिस्टम व सुरक्षा प्रोटोकॉल यासारख्या क्षेत्रांमध्ये प्रत्यक्ष अनुभव समाविष्ट आहे. ही संधी विद्यार्थ्यांना देशातील सार्वजनिक क्षेत्रातील कामकाजाबद्दल अंतर्दृष्टी प्रदान करणार आहे. विमान वाहतूक क्षेत्रातील नवोपक्रम, व्यावसायिकता, सुरक्षितता अधोरेखित करण्यात येणार आहे. यावेळी विमानतळ संचालक एस. थियागराजन, हेमलता करभीमगोळ, आर. एस. मुतालिक, डॉ. वेणुगोपाल जालिहाळ यांच्यासह प्राचार्य, प्राध्यापक उपस्थित होते.