वारणानगर / प्रतिनिधी
येथील वारणा बँकेसमोर अज्ञात वाहनाने धडक दिल्याने अरविंद गोविंद जाधव वय ३२ रा. बहिरेवाडी ता. पन्हाळा या मोटारसायकल स्वाराचा मृत्यू झाला.
या बाबत पोलिसांकडून मिळालेली माहिती अशी, अरविंद हा सोमवार दि.३० रोजी रात्री साडेअकराच्या सुमारास कोडोली कडून वारणानगर कडे जात असताना वारणा बँके समोर त्यास अज्ञात वाहनाने धडक दिल्याने तो डांबरी रस्त्यावर पडल्याने गंभीर जखमी झाला त्याच अवस्थेत त्याला नागरिकांनी उपचारासाठी यशवंत चारिटेबल हॉस्पिटल मध्ये दाखल केले असता डॉक्टरांनी उपचारापूर्वी मृत्यू झाल्याचे सांगितले. अरविंदच्या मागे पत्नी, आई, एक लहान मुलगा, एक मुलगी असा परिवार आहे. पुढील तपास पोलीस हवालदार चिले करत आहेत.
