ऑनलाईन टीम / तरुण भारत :
2024 ला नरेंद्र मोदी यांच्या विरोधात पंतप्रधानपदासाठी उद्धव ठाकरे (Uddhav Thackeray) हा उत्तम चेहरा आहे, असे विधान खा. संजय राऊत (Sanjay Raut) यांनी केलं आहे. यावरुन मनसे नेते संदीप देशपांडे (Sandeep Deshpande) यांनी उद्धव ठाकरे यांना खोचक टोला लगावला आहे.
देशपांडे यांनी यासंदर्भात एक ट्विट केलं आहे. “भावी पंतप्रधानांना शुभेच्छा. भंकस वाटली असेल तर माफ करा. पण बुरा ना मानो होली है, आता तुमच्याशी हिंदीतच बोललं पाहिजे. तुम्ही आता पंतप्रधान होणार.. मज्जा आहे. बाबा एका माणसाची, अशा शब्दांत देशपांडेंनी उद्धव ठाकरेंना टोला लगावला आहे.”
काय म्हणाले संजय राऊत?
मविआमध्ये उद्धव ठाकरे यांचा चेहरा अनेकांना महत्त्वाचा वाटतो. ते ठाकरे आहेत, हिंदुत्त्ववादी आहेत. भविष्यात आमचे इतर सहकारी याचा विचार करू शकतात. त्यामुळे 2024 लोकसभा निवडणुकीत काहीही होऊ शकतं. मोदींच्या विरोधात पंतप्रधान पदासाठी उद्धव ठाकरे हा उत्तम चेहरा आहे, असे राऊत म्हणाले होते.
अधिक वाचा : मोदींना हरवणे येड्या गबाळ्याचे काम नाही…
