खानापूर तालुका माजी सैनिक संघटनेकडून आमदार विठ्ठल हलगेकर यांचा सत्कार

खानापूर : तालुक्यातील माजी सैनिकांनी निवृत्तीनंतर समाजसेवेचे व्रत घेऊन संघटनेच्या माध्यमातून सामाजिक बांधीलकी जपत विविध उपक्रम राबवत समाजसेवा केली आहे. कोरोना काळात तर या संघटनेचे कार्य खरोखरच कौतुकास्पद होते. संघटनेने यापुढेही अशीच समाजसेवा कायम ठेवावी आणि तालुक्यातील तरुणांना मार्गदर्शन करावे. संघटनेसाठी सर्व सहकार्यास आपण बांधील आहोत, अशी ग्वाही आमदार विठ्ठल हलगेकर यांनी दिली. खानापूर तालुका आर्मी, नेव्ही व एअरफोर्स संघटनेच्यावतीने नूतन आमदार विठ्ठल हलगेकर यांचा सत्कार करण्यात आला. त्यावेळी ते बोलत होते.  कार्यक्रमाच्या अध्यक्षस्थानी पांडुरंग मेलगे होते. प्रास्ताविक भाषण नारायण झुंजवाडकर यांनी केले. भरघोस मतांनी निवडुन आल्याबद्दल हलगेकर यांचे कौतुक करण्यात आले. संघटनेच्यावतीने शाल, श्रीफळ आणि भेटवस्तू देवून सत्कार करण्यात आला. यावेळी कार्याध्यक्ष गोपाळराव देसाई, संघटनेचे सदस्य डी. एस. हेब्बाळकर, गणपती पाटील, राजाराम पाटील, प्रकाश माळवे, प्रकाश गणसेकर, तुकाराम पाटील, हणमंत गुरव, पांडुरंग पाटील, कृष्णा देसाई, यशवंत देसाई, देवाप्पा पाटील, चन्नेवाडकर, विठ्ठल हुंदरे, शिवानंद पाटील, संजू साळुंखे, वाय. एम. चौगुले, नारायण झुंजवाडकर यासह पदाधिकारी, कार्यकारिणी सदस्य उपस्थित होते.