आमदार सेठ यांच्याकडून दिव्यांग विद्यार्थ्यांना साहित्याचे वितरण

बेळगाव : बेळगाव उत्तरचे आमदार असिफ सेठ यांच्याकडून सरकारी शाळांमध्ये शिकणाऱ्या दिव्यांग मुलांना आवश्यक साहित्याचे वितरण करण्यात आले. शहर गटशिक्षणाधिकारी कार्यालयात झालेल्या या कार्यक्रमाला आमदार असिफ सेठ, जिल्हा शिक्षणाधिकारी लिलावती हिरेमठ, शहर गटशिक्षणाधिकारी रवी बजंत्री यांच्यासह इतर मान्यवर उपस्थित होते. दिव्यांग विद्यार्थ्यांना चांगल्या दर्जाचे शिक्षण घेता यावे, यासाठी त्यांना व्हीलचेअर, स्वरयंत्र यांसह अभ्यासाचे लागणारे साहित्य देण्यात आले. विद्यार्थी व त्यांच्या पालकांनी साहित्य मिळाल्याबद्दल आमदारांचे आभार मानले.