आमदार राजू सेठ फौंडेशनतर्फे रामतीर्थनगरात स्वच्छता मोहीम

बेळगाव : बेळगाव उत्तरचे आमदार राजू सेठ फौंडेशनच्यावतीने रविवारी रामतीर्थनगर, गणेश सर्कल परिसरात स्वच्छता मोहीम राबविण्यात आली. स्वच्छतेचे महत्त्व नागरिकांना समजावे यादृष्टीने कार्यक्रमाचे आयोजन करण्यात आले होते. गणेश सर्कल परिसरातील पदपथ तसेच रस्त्याशेजारचा कचरा काढण्यात आला. फौंडेशनच्या माध्यमातून स्वच्छता तसेच सामाजिक कार्य करण्यात येत आहे. युवा नेते अमन सेठ यांच्या प्रयत्नातून स्वच्छता मोहीम राबविण्यात आली. रामतीर्थनगर परिसरात अनेक ठिकाणी कचरा होता. तो काढून परिसर स्वच्छ करण्यात आला. त्यामुळे स्थानिक नागरिकांनी समाधान व्यक्त केले.