आमदार अंजली निंबाळकर आज अर्ज दाखल करणार

खानापूर : काँग्रेसच्या उमेदवार आमदार अंजली निंबाळकर मंगळवार दि. 18 रोजी आपला अर्ज दाखल करणार आहेत. सकाळी 9.30 वाजता श्री चौराशी देवी मंदिरात देवीचे दर्शन घेणार आहेत. त्यानंतर कार्यकर्त्यांसोबत शहरातील विविध मार्गांवरून मिरवणुकीने तहसीलदार कार्यालयात अर्ज भरण्यासाठी पोहोचणार आहेत. काँग्रेसच्या सर्व कार्यकर्त्यांनी, नेत्यांनी तसेच हितचिंतकांनी अर्ज भरण्याच्या पदयात्रेत आमदार निंबाळकर यांच्यासोबत सहभागी व्हावे, असे आवाहन काँग्रेस ब्लॉकचे अध्यक्ष महादेव कोळी यांनी केले आहे. खानापूर तालुक्याचा विकास हाच माझा ध्यास असून मी पाच वर्षांत राजकारण कमी, समाजकारण आणि विकासावर भर दिला. मला मिळणारा पाठिंबा पाहून विरोधकांच्या पायाखालची वाळू घसरली आहे. मी दिलेला शब्द पाळला आहे. खानापूर ही माझी कर्मभूमी आहे. माझ्या अखेरच्या श्वासापर्यंत खानापूर तालुक्याचा विकास हा ध्यास असणार आहे, असे आमदार अंजली निंबाळकर यांनी म्हटले आहे.