कुस्ती, जलतरण स्पर्धेत एमएचपीएस बेळगुंदीचे वर्चस्व

बेळगाव : सार्वजनिक शिक्षण खाते व बेळगुंदी स्कूल आयोजित बेळगुंदी क्लस्टर कुस्ती व  जलतरण स्पर्धेत एमएचपीएस बेळगुंदी, बालवीर विद्यानिकेतन व सेंट पॉल स्कूलच्या विद्यार्थ्यांनी यश संपादन केले आहे. बेळगुंदी स्कूलच्या क्रीडांगणावर भर पावसात या कुस्ती स्पर्धेचे आयोजन करण्यात आले होते. या कुस्ती स्पर्धेत कुस्तीपटूंनी पावसात जोमात कुस्तीचे प्रदर्शन केले. यावेळी विद्यार्थ्यांनी मोठ्या उत्साहात प्रोत्साहन दिल्यामुळे कुस्तीपटूंनी चिखलातही कुस्तीचे प्रदर्शन घडविले. मुलांच्या 30 किला वजनी गटात राहुल देसाई प्रथम, चेतन मुगूरकर द्वितीय (दोघेही एमएचपीएस बेळगुंदी), 68 किलो गटात आरिफ प्रथम (सेंट पॉल स्कूल), 65 किलो गटात प्रज्वल कणबरकर प्रथम क्रमांक (बालवीर विद्यानिकेतन) यांनी  पटकाविले. तर जलतरण स्पर्धेत 100 मी. फ्रीस्टाईलमध्ये संस्कार पाटील प्रथम (सेंट पॉल), 100 मी. बॅकस्ट्रोकमध्ये परशराम खणूकर प्रथम, चेतन मुगूरकर द्वितीय (दोघेही एमएचपीएस बेळगुंदी), बॅकस्ट्रोकमध्ये चेतन मुगूरकर प्रथम, बटरफ्लाय रामू पाटील प्रथम (एमएचपीएस बेळगुंदी) क्रमांक यांनी पटकाविले.