बेळगाव : सफाई कामगार जिल्हा जागृती समितीचे सदस्य दीपक वाघेला व विजय निरगट्टी यांनी शुक्रवारी गोकाक नगरपालिकेला भेट देऊन सफाई कामगारांच्या समस्या जाणून घेतल्या. नगरपालिकेतील 34 सफाई कामगार अद्याप कंत्राट पद्धतीने काम करीत आहेत. सफाई कामगारांना सकाळी उपाहार देण्यात येतो. उपाहारासोबत अंडीही देत असून, खाण्याची सूचना केली. प्रत्येक तीन महिन्यांनी आरोग्य तपासणी करून घ्यावी. वर्षातून एकदा मास्टर हेल्थ चेकअप करून घ्यावे. गृहभाग्य योजनेंतर्गत कायमस्वरूपी निवास उपलब्ध करून देण्यासाठी प्रयत्न करण्यात येतील, असे सदस्य वाघेला व निरगट्टी यांनी सांगितले. त्याचबरोबर महिला व पुरूष सफाई कामगारांसाठी स्वतंत्र विश्रांतीगृह बांधून देण्यात येईल. गोकाक नगरपालिकेच्या सफाई कामगारांनी विविध क्रीडाप्रकारात यश मिळविले आहे. या कामगारांनी जिल्ह्यातील इतर नगरपालिका, नगरपंचायतीसमोर आदर्श ठेवला असल्याचे सदस्यांनी सांगत सफाई कामगारांचे अभिनंदन केले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
