बेळगाव : बेळगावसह सीमाभागात सुरू असलेल्या कन्नडसक्तीसंदर्भातील परिस्थितीची जाणीव महाराष्ट्रातील खासदार श्रीकांत शिंदे यांना करून देण्यात आली. कर्नाटक सरकारकडून कन्नडसक्ती लादण्यात आलीच आहे. त्याचबरोबर मराठी भाषिकांच्या महामोर्चाला परवानगीही नाकारण्यात आली आहे, अशी माहिती देताच खासदार शिंदे यांनी आपण लोकसभेत याविषयी आवाज उठवू, असे आश्वासन दिले. म. ए. समितीचे वैद्यकीय समन्वयक आनंद आपटेकर यांनी शनिवारी ठाणे येथे खासदार डॉ. श्रीकांत शिंदे यांची भेट घेतली. कर्नाटक सरकारकडून सुरू असलेल्या गळचेपीसंदर्भात शिंदे यांच्याकडे तक्रार करण्यात आली. मराठी भाषिकांवर होणाऱ्या अन्यायाला वाचा फोडण्याची मागणी त्यांच्याकडे केली. त्यांनी तात्काळ सीमाप्रश्नाच्या तज्ञ समितीचे अध्यक्ष धैर्यशील माने यांच्याशी फोनवरून संपर्क साधून केंद्रीय गृहमंत्री अमित शहा यांना पाठवलेल्या पत्राविषयी चर्चा केली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
