बेळगाव : रमजानच्या पार्श्वभूमीवर शुक्रवारी पोलीस मुख्यालयात मुस्लीम समाजातील नेत्यांची बैठक बोलावण्यात आली होती. रमजानच्या काळात कायदा व सुव्यवस्था परिस्थिती अबाधित ठेवण्यासाठी प्रत्येकाने सहकार्य करण्याचे आवाहन पोलीस अधिकाऱ्यांनी केले. पोलीस उपायुक्त रोहन जगदीश, गुन्हे तपास व वाहतूक विभागाचे पोलीस उपायुक्त निरंजन राजे अरस, गुन्हे तपास विभागाचे एसीपी सदाशिव कट्टीमनी आदी अधिकाऱ्यांनी बैठकीत मार्गदर्शन केले. रमजानच्या काळात दुकाने व इतर आस्थापने रात्री उशिरापर्यंत सुरू ठेवण्यासाठी परवानगी देण्याची मागणी करण्यात आली. बेळगावच्या शांततेला सुरुंग लावण्याचा प्रयत्न करण्यासाठी अफवा पसरविल्या जातात. अशा अफवांवर कोणीही विश्वास ठेवू नये, असे आवाहन पोलीस अधिकाऱ्यांनी केले. यावेळी हाजी सेठ नुरानी, नगरसेवक मुजमिल डोनी, अजिज धारवाडकर, नगरसेवक अजीम पटवेगार, रिजवान बेपारी, अल्लाउद्दिन किल्लेकर आदींसह अनेक नेते उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
