क्रेडाई बेळगावच्यावतीने महापौर-उपमहापौरांची भेट

बेळगाव : क्रेडाई बेळगावच्या नूतन पदाधिकाऱ्यांनी शुक्रवारी महापौर व उपमहापौरांची भेट घेऊन चर्चा केली. सध्या सुरू असलेल्या ई-अस्तीची नोंदणी प्रक्रिया अधिक सुलभ व्हावी या संदर्भात चर्चा करण्यात आली. त्याचबरोबर बिल्डर्स व डेव्हलपरना येणाऱ्या समस्या त्यांच्यासमोर मांडण्यात आल्या. नूतन महापौर मंगेश पवार व उपमहापौर वाणी जोशी यांचा क्रेडाईच्यावतीने सत्कार करण्यात आला. यावेळी क्रेडाई बेळगावचे अध्यक्ष युवराज हुलजी, उपाध्यक्ष आनंद कुलकर्णी, सेक्रेटरी प्रशांत वांडकर, खजिनदार सुधीर पनारे, संचालक राजेश माळी, सचिन बैलवाड, डी. ए. सायनेकर, वीरेश शेट्टण्णवर, महेश फगरे यासह इतर उपस्थित होते.