खडेबाजार एसीपी क्षेत्रातील दलित नागरिकांची बैठक

बेळगाव : अनसूचित जाती-जमातीच्या नागरिकांच्या अडचणी जाणून घेण्यासाठी बुधवारी खडेबाजार एसीपी कार्यालयात बैठक घेण्यात आली. या बैठकीत पोलीस अधिकाऱ्यांनी नागरिकांच्या समस्या जाणून घेतल्या. खडेबाजारचे एसीपी शेखरप्पा एच. यांच्या अध्यक्षतेखाली झालेल्या बैठकीत खडेबाजारचे पोलीस निरीक्षक दिलीप निंबाळकर, कॅम्पचे पोलीस निरीक्षक अल्ताफ मुल्ला, टिळकवाडीचे पोलीस निरीक्षक परशुराम पुजेरी, उद्यमबागचे निरीक्षक डी. के. पाटील आदी अधिकारी उपस्थित होते. यावेळी मल्लेश चौगुले, दुर्गेश मेत्री, संतोष हलगेकर, श्रीशैल कांबळे, सदानंद मेत्री, बाबू कोलकार व नेते, कार्यकर्ते सहभागी झाले होते.