मेदव्हेदेव विजयी, सित्सिपस पराभूत

हॅले : जर्मनीतील हॅले येथे सुरु असलेल्या एटीपी टूरवरील हॅले ग्रासकोर्ट पुरुषांच्या टेनिस स्पर्धेत रशियाच्या टॉप सिडेड डॅनिल मेदवेदेव्हने उपांत्यपूर्व फेरीत प्रवेश केला आहे. तर ग्रीकच्या पाचव्या मानांकित सित्सिपेसचे आव्हान दुसऱ्या फेरीतच संपुष्टात आले. पुरुष एकेरीच्या खेळविण्यात आलेल्या दुसऱ्या फेरीतील सामन्यात मेदवेदेव्हने सर्बियाच्या डिजेरीचा 6-3, 6-7 (5-7), 6-3 असा पराभव करत शेवटच्या आठ खेळाडूत स्थान मिळविले. दुसऱ्या एका सामन्यात चिलीच्या निकोलास जेरीने ग्रीकच्या सित्सिपेसचा 7-6 (7-5), 7-5 अशा सरळ सेट्समध्ये फडशा पाडत उपांत्यपूर्व फेरी गाठली आहे. जर्मनीच्या व्हेरेव्हने 2016 आणि 2017 साली या स्पर्धेत अंतिम फेरी गाठली होती. पण त्याला दोन्ही वेळेला उपविजेतेपदावर समाधान मानावे लागले होते.