मुंबईतून संगमेश्वर येथे आलेल्या व्यक्तीकडून मारहाण; थरारक पाठलागानंतर पोलिसांनी घेतले ताब्यात
संगमेश्वर वार्ताहर
तालुक्यातील वांद्री आरोग्य केंद्रातून काम आटपून घरी निघालेल्या डॉ. शिवकुमार फासके यांना तळेकांटेदरम्यान मुंबईतून संगमेश्वरात आलेल्या व्यक्तीने मारहाण करत गंभीर जखमी असून त्यांना अधिक उपचारासाठी कोल्हापूर येथे हलवण्यात आले आहे. ही घटना सोमवारी रात्री 10 च्या दरम्यान घडली.
डॉ. फासकेंना फारूक लसकर हा रस्त्यात दिसला. डॉ. फासके यांनी गाडी थांबवत लसकरला गाडीमध्ये घेऊन पुढे घेऊन जात होते. पुढील प्रवासाला जात असताना चहा पिण्यासाठी त्यांनी गाडी थांबवली, मात्र चहा टपरीजवळ फारूक लसकर याने गाडीची चावी मागत डॉ. फासके यांना गंभीर मारहाण करत तेथून पोबारा केला. मारहाणीमध्ये डॉ. फासके गंभीर जखमी झाले.
