आळंदी : संतश्रेष्ठ श्री ज्ञानेश्वर महाराजांचा आषाढी वारी पालखी सोहळ्याचा कार्यक्रम श्री ज्ञानेश्वर महाराज संस्थानकडून जाहीर झाला असून, माउलींच्या पालखीचे प्रस्थान 11 जून ला होणार आहे. ज्ञानेश्वर वीर यांनी याबाबत माहिती दिली.
11 जून रोजी सायं 4 वा. श्रींच्या पालखीचे मंदिरातून प्रस्थान होऊन रात्रीचा मुक्काम (गांधी वाडा) दर्शन मंडप इमारत आळंदी देवस्थान येथे होणार आहे.12 जूनला आळंदीहुन पुण्याकडे प्रस्थान होणार आहे. दि.12 जूनच्या रात्री व दि.13 जून रात्री पर्यंत पालखी विठोबा मंदिर, भवानी पेठ येथे मुक्कामी असणार आहे. दि.14 जून रोजी पुण्याहून सासवडकडे प्रस्थान, 15 जून रोजी सासवड मुक्कामी, दि.16 जून जेजुरी, दि.17 जून वाल्हे, दि.18 जून श्रींचे नीरा स्नान, लोणंद दि.19 जून लोणंद मुक्कामी, दि. 20 जून (चांदोबाचा लिंब उभे रिंगण पहिले) तरडगाव,
दि.21जून विमानतळ फलटण, दि.22 जून बरड, दि.23 जून नातेपुते, दि.24 जून (पुरंदवडे गोल रिंगण पहिले) माळशिरस, दि.25 जून (खुडूस फाटा गोल रिंगण दुसरे) रात्री वेळापूर मुक्कामी, दि. 26 जून (ठाकूर बुवाची समाधी गोल रिंगण तिसरे) (पहिला टप्पा संत सोपानदेव भेट ) रात्री भंडीशेगाव मुक्कामी, दि.27 जून (बाजीरावची विहीर उभे रिंगण दुसरे )(गोल रिंगण चौथे) रात्री वाखरी मुक्कामी, दि.28 जून (पादुका जवळ आरती व उभे रिंगण तिसरे) पंढरपूर, २९ जूनला पंढरपूर येथे आषाढी एकादशी सोहळा साजरा होईल.
३ जुलै पौर्णिमे पर्यंत सोहळा विठ्ठल नगरीत विसावेल. ३ जुलै ला गोपालकाला होऊन सोहळा परतीच्या प्रवासासाठी आळंदीकडे निघणार आहे. परतीचा प्रवास दि.3 जुलै वाखरी, दि.4जुलै वेळापूर, दि.5 जुलै नातेपुते, दि.6 जुलै फलटण, दि.7 जुलै पाडेगाव, दि.8 जुलै वाल्हे, दि.9 जुलै सासवड दि.10 जुलै हडपसर, दि.11 जुलै पुणे, दि.12 जुलै आळंदी, दि.13 आळंदी नगरप्रदक्षिणा, हजेरी मारुती मंदिर नारळ प्रसाद, श्री माऊली मंदिर, असा असणार आहे .
