नवी दिल्ली : क्रिकेटच्या इतिहासातील सर्वांत महान फलंदाज म्हणून ओळख निर्माण करणारा महान भारतीय क्रिकेटपटू सचिन तेंडुलकरने गुऊवारी वयाची 52 वर्षे पूर्ण केली. अतुलनीय सातत्य, धावांची भूक आणि जगातील काही सर्वोत्तम संघ आणि गोलंदाजांना तोंड देण्याच्या धाडस दाखविणारा तेंडुलकर हे केवळ भारतातच नव्हे, तर जगातील सर्व प्रमुख क्रिकेट देशांमध्ये घराघरात ओळखले जाणारे नाव आहे. सध्याच्या काळात या खेळाला मिळालेली लोकप्रियता, त्यात आलेली स्पर्धात्मकता आणि पैशाची ताकद याचे बरेचसे श्रेय ‘मास्टर ब्लास्टर’ला जाते असे म्हणणे चुकीचे ठरणार नाही. विराट कोहली, स्टीव्ह स्मिथ, केन विल्यमसन, ज्यो रूट, वीरेंद्र सेहवाग, एम. एस. धोनी इत्यादी जगातील अनेक महान फलंदाज आणि कर्णधारांनी त्यांचा स्ट्रोकप्ले, खेळाची आवड आणि सामना जिंकण्याची क्षमता यांचे श्रेय मास्टर ब्लास्टरला दिलेले आहे. महाराष्ट्रात जन्मलेल्या या खेळाडूने 15 नोव्हेंबर, 1989 रोजी वयाच्या 16 व्या वर्षी कसोटी पदार्पण केले. त्याच वर्षी 18 डिसेंबर रोजी तो पहिला एकदिवसीय सामना खेळला. दुखापती, संघातील परिस्थिती, वाढते वय इत्यादींना तोंड देत तो सतत आपल्या फटक्यांचे शस्त्रागार कुशलतेने वाढवत गेला.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
