सेन्सेक्स 224 अंकांनी प्रभावीत : निफ्टीही 55 अंकांनी नुकसानीत
मुंबई :
जागतिक बाजारातील संमिश्र स्थितीमुळे भारतीय भांडवली बाजारातील तिसऱ्या सत्रात बुधवारी बीएसई सेन्सेक्स व एनएसई निफ्टी यांचे निर्देशांक हे नरमाईमध्ये राहिले होते. यामुळे गुंतवणूकदारांनी भारत आणि अमेरिकेत बुधवारी येणाऱ्या प्रमुख सीपीआय महागाई डाटामुळे सावधानता बाळगली असल्याचे दिसून आले आहे.
दिग्गज कंपन्यांच्या मदतीने बीएसई सेन्सेक्स दिवसअखेर 223.94 अंकांनी प्रभावीत होत निर्देशांक 0.34 टक्क्यांसोबत 65,393.90 वर बंद झाला आहे. दुसऱ्या बाजूला राष्ट्रीय शेअर बाजाराचा निफ्टी 55.10 अंकांच्या नुकसानीसोबत निर्देशांक 19,384.30 वर बंद झाला आहे.
बुधवारच्या सत्रात सेन्सेक्समधील समभागात फक्त सात समभाग हे तेजीत राहिले आहेत. यासोबतच कोटक बँक, एशियन पेन्ट्स, सनफार्मा, नेस्ले इंडिया आणि टायटनसह सेन्सेक्समधील टॉपवर राहिले आहेत. यामध्ये सर्वाधिक नफा कमाईत कोटक बँक राहिली आहे.
अन्य कंपन्यांमध्ये सेन्सेक्समधील 23 समभाग नुकसानीत राहिले आहेत. यामध्ये इन्फोसिस, टाटा मोर्ट्स, अल्ट्राटेक सिमेंट, एचडीएफसी बँक आणि एनटीपीसी हे सर्वाधिक नुकसानीत राहिले आहेत. इन्फोसिसचे समभाग हे जवळपास 1.17 टक्क्यांनी घसरुन बंद झाले.
विदेशी गुंतवणूकदारांचा कल
विदेशी संस्थात्मक गुंतवणूकदारांनी निव्वळ स्वरुपात 1,197.38 कोटी रुपयांच्या समभागांची खरेदी करण्यात आली आहे. जागतिक तेल मानक ब्रेंट क्रूड 0.18 टक्क्यांनी वधारुन 79.54 अमेरिकन डॉलर प्रति बॅरेलचा भाव राहिला होता.
