वृत्तसंस्था/ मुंबई
मागच्या आठवड्यामध्ये भारतीय शेअरबाजारात आघाडीवरच्या दहा कंपन्यांपैकी 7 कंपन्यांचे बाजारभांडवल मूल्य 65302 कोटी रुपयांनी वाढले असल्याचे दिसून आले आहे. टीसीएस आणि आयसीआयसीआय बँक यांच्या बाजार भांडवलात सर्वाधिक वाढ झाली होती.
मागच्या आठवड्यामध्ये बीएसई सेन्सेक्स 663 अंकांनी तर निफ्टी 165 अंकांनी वाढला होता. शनिवारी शेअर बाजारामध्ये खास सत्राचेही आयोजन करण्यात आले होते. शनिवारी शेअरबाजार तेजीसोबत बंद झाला पण त्यामध्ये गुंतवणूकदारांचा फारसा उत्साह दिसून आला नाही. टीसीएस, एचडीएफसी बँक, आयसीआयसीआय बँक, स्टेट बँक ऑफ इंडिया, भारती एअरटेल, हिंदुस्थान युनीलिव्हर यांच्या बाजारभांडवलात मागच्या आठवड्यात वाढ झाली होती. दुसरीकडे रिलायन्स इंडस्ट्री, इन्फोसिस आणि एलआयसी यांच्या बाजारभांडवलात घसरण झाली होती.
टीसीएस, आयसीआयसीआयच्या भांडवलात वाढ
टीसीएसचे बाजारभांडवल 19881 कोटींनी वाढत 14,85,912 कोटींवर पोहोचले. आयसीआयसीआय बँकेचे भांडवल मूल्य 15672 कोटींनी वाढून 7,60,481 कोटींवर पोहोचले.
