Market buoyed by inflation report

सेन्सेक्स 204 अंकांनी मजबूत : जागतिक वातावरणाचाही फायदा

वृत्तसंस्था /मुंबई

भारतीय भांडवली बाजारात चालू आठवड्यातील गुरुवारच्या चौथ्या सत्रात सेन्सेक्स व निफ्टी यांचे निर्देशांक वधारुन बंद झाले आहेत. यामध्ये जागतिक बाजारांमध्ये तेजीचा कल राहिला होता, याचा फायदा भारतीय बाजाराला झाला आहे. तसेच आर्थिक अहवालात गुरुवारी रिटेल महागाई दर मे महिन्यात कमी झाल्याचे म्हटले आहे. वरील घडामोडींचा सकारात्मक परिणाम शेअरबाजारात दिसून आला. यामध्ये रिटेल महागाई दर घटून 4.7 टक्क्यांवर राहिला असून हा टक्का 12 महिन्यातील सर्वात कमी राहिला आहे. यासह अमेरिकन पेंद्रीय बँक फेडरल रिझर्व्हच्या चालू वर्षातील व्याजदरातील कपातीच्या संकेतामुळे शेअर बाजाराला प्रोत्साहन मिळाले आहे. बीएसई सेन्सेक्स गुरुवारच्या सत्रात दिवसअखेर 204.33 अंकांनी वधारुन निर्देशांक 0.27 टक्क्यांसोबत 76,810.90 वर बंद झाला आहे. दुसऱ्या बाजूला राष्ट्रीय शेअर बाजारातील निफ्टी 75.90 अंकांसोबत तेजी प्राप्त करत निर्देशांक 23,398.90 वर बंद झाला आहे.

दिग्गज कंपन्यांमध्ये महिंद्रा अॅण्ड महिंद्राचे समभाग हे सर्वाधिक म्हणजे 2.73 टक्क्यांनी वधारुन बंद झाले आहेत. यासोबतच टायटन, लार्सन अॅण्ड टुब्रो, इंडसइंड बँक, टेक महिंद्रा, टीसीएस, अल्ट्राटेक सिमेंट, विप्रो आणि बजाज फायनान्सचे समभाग हे मुख्यत: वधारुन बंद झाले आहेत. अन्य कंपन्यांमध्ये हिंदुस्थान युनिलिव्हरचे समभाग हे 1.64 टक्क्यांनी प्रभावीत झाले आहेत. आयसीआयसीआय बँक, अॅक्सिस बँक, पॉवरग्रिड कॉर्प, भारती एअरटेल, आयटीसी, एनटीपीसी आणि टाटा मोर्ट्सचे समभाग हे घसरणीसह बंद झाले आहेत. आर्थिक घडामोडींसंदर्भात व्याजदरात कपात करण्याच्या आरबीआयच्या अहवालामुळे गुंतवणूकदारांचा विश्वास वाढला आहे. यासह कॅपिटल गुड्स, कंझ्युमर ड्युरेबल्स आणि इंडस्ट्रीयल यांच्या समभागांची मजबूत खरेदी झाली.

समभाग वधारलेल्या कंपन्या