सांत इनेजच्या तरुणाला अटक
पणजी : राजधानी पणजीच्या कांपाल भागात पणजी पोलिसांनी केलेल्या कारवाईत तीन लाख ऊपये किंमतीचा गांजा जप्त केला आहे. या प्रकरणात आग्नेलो डायस या युवकाला अटक केली असून त्याच्या विरोधात 1985 एनडीपीएस कायद्याखाली गुन्ह नोंद केला आहे. त्याला पाच दिवसांची पोलीस कोठडी ठोठावण्यात आली आहे. पोलिसांनी दिलेल्या माहितीनुसार अटक केलेल्या संशयिताचे नाव अग्नेलो डायस (31, मधुविहार अपार्टमेंट, सांत इनेज, पणजी) असे आहे. पोलिसांना विश्वासार्ह माहिती मिळाली होती की कांपाल येथे एक व्यक्ती आपल्या ग्राहकांना अंमलीपदार्थ वितरीत करण्यासाठी येणार आहे. त्यानुसार कांपाल येथील होम सायन्स कॉलेज जवळील अंतर्गत रस्त्यावर पोलीस सापळा रचून बसले होते. आग्नेलो डायस तिथे येताच त्याला ताब्यात घेऊन त्याची तपाणी केली असता त्याच्याकडे तीन किलो गांजा सापडला. त्याला अटक करून पोलीस स्थानकात आणले. बाजारभावानुसार गांजाची किंमत तीन लाख ऊपये आहे. पणजी पोलीस स्थानकाचे निरीक्षक निखिल पालेकर, महिला उपनिरीक्षक सपना डी. गावस, उपनिरीक्षक संकेत एस. पोखरे, कॉन्स्टेबल राजेश रामा लोटलीकर, दीपक सावंत, साहिल तारी आणि उद्धव वडयेकर यांनी ही कारवाई केली. उपअधीक्षक सुदेश नाईक, तसेच उत्तर गोवा अधीक्षक निधिन वलसन यांच्या मार्गदर्शनाखाली पुढील तपास सुऊ आहे.
