बेळगाव : बेळगावच्या प्रशासनाने अंतिम मतदार यादी फक्त कन्नड भाषेत प्रसिद्ध केली होती. वेबसाईटवरही मराठी याद्या वगळण्यात आल्या होत्या. मात्र महाराष्ट्र एकीकरण समितीने निवडणूक आयोगाकडे तक्रार दाखल करताच, या याद्या वेबसाईटवर उपलब्ध करण्यात आल्या आहेत.
जानेवारी महिन्यात बेळगावच्या प्रशासनाने अंतिम मतदारयादी फक्त कन्नड भाषेत प्रसिद्ध केली होती. मराठीतtन याद्या उपलब्ध नव्हत्या. याबाबत महाराष्ट्र एकीकरण युवा समितीने 8 जानेवारी रोजी केंद्रीय निवडणूक आयोगाकडे तक्रार दाखल करताच प्रशासनाने मराठी भाषेत याद्या उपलब्ध करून दिल्या. मात्र बेवासाईटवरहि पुन्हा मराठीला डावलण्यात आले होते. त्यामुळे दिनांक 9 मार्च 2023 रोजी युवा समितीचे अध्यक्ष अंकुश केसरकर यांनी राज्य निवडणूक आयोगाकडे निवेदन सादर केले होते. प्रत्येक मराठी भाषिकांना निवडणूक आयोगाच्या कार्यालयात आपले नाव तपासून पाहण्यास शक्य होत नाहि, ज्या पद्धतीने महाराष्ट्र शासनाने सांगली जत मध्ये कानडी भाषिक बहुसंख्य असलेल्या भागात कन्नड भाषेत मतदार याद्या उपलब्ध करून देण्यात येतात आणि त्या अधिकृत वेबसाईटवर सुद्धा उपलब्ध केल्या जातात त्याच पद्धतीने बेळगावात देखील मराठी याद्या ऑनलाईन उपलब्ध कराव्यात अशी मागणी निवेदनद्वारे केली होती.
बेळगावच्या जिल्हाधिकार्यांनी मराठी मतदार याद्या जिल्हाधिकारी कार्यालयाच्या वेबसाईटवर उपलब्ध केल्या असून युवा समितीच्या पाठपुराव्याने हे यश आले आहे. उपलब्ध करून देण्यात आलेल्या मराठी मतदार याद्यांमध्ये बर्याच मतदाराच्या आणि गावाच्या नावांमध्ये चुका आढळून आल्या आहेत. त्या दुरुस्ती संदर्भात निवडणूक आयोगाकडे पाठपुरावा करणार असल्याची माहिती युवा समितीच्या वतीने देण्यात आली.
