Maratha Sports, SRS Hindustan enter quarterfinals

के. आर. शेट्टी निमंत्रितांची टेनिसबॉल क्रिकेट स्पर्धा

बेळगाव : के. आर. शेट्टी स्पोर्ट्स फौंडेशन आयोजित के. आर. शेट्टी निमंत्रितांच्या अखिल भारतीय टेनिसबॉल स्पर्धेत गुरुवारी खेळविण्यात आलेल्या सामन्यातून मराठा स्पोर्ट्स, एसआरएस हिंदुस्थान संघांनी आपल्या प्रतिस्पर्ध्यांवर मात करीत पुढील फेरीत प्रवेश मिळविला. जगन रेड्डी, महेंद्र, अहम्मद इलू व प्रथमेश यांना सामनावीर पुरस्कार देण्यात आला. युनियन जिमखाना मैदानावरती खेळविण्यात आलेल्या पहिल्या सामन्यात हर्ष इलेव्हनने प्रथम फलंदाजी करताना 8 षटकात 6 गडी बाद 34 धावाकेल्या. त्यात इम्रान तालिकोटीने 10 धावा केल्या. मराठा स्पोर्ट्सतर्फे इलु बंगळुरु व जगन रेड्डी यांनी प्रत्येकी 2 गडी बाद केले. प्रत्युत्तरादाखल खेळताना मराठा स्पोर्ट्सने 1.4 षटकात बिनबाद 37 धावा करुन सामना 10 गड्यांनी जिंकला. त्यात गणेश कोप्पळने 1 षटकार 4 चौकारांसह 24 तर देरवाज कोटीने 12 धावा केल्या.

दुसऱ्या सामन्यात साईराज बी.ने प्रथम फलंदाजी करताना 8 षटकात 6 गडी बाद 56 धावा केल्या. त्यात भूषण चंदगडकरने 20 तर अमर सरदेसाईने 10 धावा केल्या. एसआरएस हिंदुस्थानतर्फे शरीब व मुकेश शिंदे यांनी प्रत्येकी 2 गडी बाद केले. प्रत्युत्तरादाखल खेळताना एसआरएस हिंदुस्थानने 3.2 षटकात 3 गडी बाद 61 धावा करुन सामना 7 गड्यांनी जिंकला. त्यात महिंद्रने एकूण 4 षटकार 1 चौकारासह 29 तर प्रतिकने 2 षटकार 1 चौकारासह 17 धावा केल्या. साईराजतर्फे रमेश गवळीने 2 तर शेखरने 1 गडी बाद केला.

तिसऱ्या सामन्यात अवनी स्पोर्ट्सने प्रथम फलंदाजी करताना 7.4 षटकात सर्वगडी बाद 52 धावा केल्या. त्यात रोहीत पाटीलने 15 तर समर्थने 16 धावा केल्या. मराठा स्पोर्ट्स इमद बंगळूरने 3 धावांत 4 तर रोहीत के.ने 4 धावांत 3 गडी बाद केले. प्रत्युत्तरादाखल खेळताना मराठा स्पोर्ट्सने 7 षटकात 7 गडी बाद 56 धावा करुन सामना 3 गड्यांनी जिंकला. त्यात रॉकीने 15, प्रवीणने 13 धावा केल्या. अवनी स्पोर्ट्सतर्फे रोहन व संतोष यांनी प्रत्येकी 2 गडी बाद केले. चौथ्या सामन्यात एसआरएस हिंदुस्थानने 8 षटकात 4 गडी बाद 103 धावा केल्या. त्यात महिंद्राने 4 षटकार 1 चौकारासह नाबाद 35 तर प्रथमेशने 2 षटकार 4 चौकारासह 33 धावा केल्या. साईतर्फे मोहीत व अजीम यांनी प्रत्येकी 1 गडी बाद केले. प्रत्युत्तरादाखल खेळताना साई स्पोर्ट्सने 8 षटकात 3 गडीबाद 70 धावा केल्या.