प्रतिनिधी /बेळगाव
राजीव गांधी युनिव्हर्सिटी ऑफ हेल्थ सायन्सेस, बेंगळूर यांच्यावतीने जून 2022 मध्ये घेण्यात आलेल्या औषध निर्माण शास्त्र (बी. फार्मा) परीक्षांचे निकाल जाहीर करण्यात आले आहेत. यामध्ये मराठा मंडळ फार्मसी कॉलेजच्या विद्यार्थ्यांनी घवघवीत यश संपादन केले.
बी. फार्मा प्रथम सेमिस्टरमध्ये शिकणाऱया रेणुका सुळकर हिने 80 टक्के गुणांसह प्रथम क्रमांक, पूजा खनाई हिने 78 टक्के गुण घेऊन द्वितीय तर संपदा बुरुड हिने 77 टक्के गुण घेऊन तृतीय क्रमांक मिळविला.
बी. फार्मा तिसऱया सेमिस्टरमधून स्फूर्ती मलकी हिने 88.66 टक्के मिळवून प्रथम तर रेवती भडगावे हिने 77.38 टक्के गुण घेऊन द्वितीय व सहाना कुदरी हिने 77 टक्के गुण घेऊन तिसरा क्रमांक मिळविला.
बी. फार्मा पाचव्या सेमिस्टरमधून माया मुनवळ्ळी हिने 78.30 टक्के गुणांसह प्रथम, दामिनी निलजकर हिने 76.76 टक्के गुणांसह द्वितीय क्रमांक, मयूरी खांडेकर हिने 76.46 टक्के गुण घेऊन तृतीय क्रमांक मिळविला.
बी. फार्मा सातव्या सेमिस्टरमधून सुशांत पावशे याने 77.33 टक्के गुण मिळवून प्रथम, हर्षदा कुसाणे हिने 74.88 टक्के गुण घेऊन द्वितीय क्रमांक, श्वेता लक्ष्मीयान हिने 74.66 टक्के गुण मिळवून तिसरा क्रमांक पटकाविला. या सर्वांना संस्थेच्या अध्यक्षा राजश्री नागराजू, प्राचार्य डॉ. विष्णू कंग्राळकर, संचालक व शिक्षकांचे मोलाचे मार्गदर्शन लाभले.
