Manoj Jarange Patil : मुख्यमंत्री एकनाथ शिंदे यांच्या घोषणेनंतर अधिकृत जीआर सरकारकडून जारी करण्यात आला आहे.यामध्ये नोंदी असलेल्या मराठ्यांना कुणबीचं जातप्रमाणपत्र मिळणार आहे.जीआर सोबतच उपोषण मागे घेण्यासाठी जरांगेंना विनंती पत्र पाठवण्यात आले. जीआरची प्रत घेवून खोतकर यांनी जरांगेंची भेट घेतली.यावेळी जरांगेनी सरकारच्या जीआरच स्वागत केलं.अर्जुन खोतकरांनी जरांगेंमध्ये चर्चा झाली. यावेळी खोतकरांनी जीआर वाचून दाखवला.जीआरमध्ये सुधारणा सुचवायची असेल तर जरांगेंनी मुंबईत यावं किंवा जरांगेंना शक्य नसल्यास शिष्टमंडळ मुंबईत पाठवावं, असे निमंत्रण देण्यात आलं.जोपर्यंत जीआरमध्ये सुधारणा होत नाही तोपर्यंत मी उपोषण मागे घेणार नाही असं मनोज जरांगे यांनी स्पष्टचं सांगितलं. जीआर मधील सुधारणा सांगण्यासाठी शिष्टमंडळ पाठवण्यात येईल असेही ते म्हणाले.
सर्वांनी शांततेत आंदोलन करा-जरांगे-पाटील
आंदोलन शांततेत सुरु आहे.पाठिंबा द्या, पण लोकशाहीने द्या.आंदोलनाला गालबोट लागेल असं काही करू नका,वेगळा प्रयोग करू नका, स्वतःच्या जीविताला धोका निर्माण होईल असे कृत्य करू नका, असे आवाहन त्यांनी केलं. समाजाला न्याय मिळण्यासाठी लोकशाही पध्दतीने आंदोलन करा. जो वेगळा पर्याय निवडेल त्याला आमचे समर्थन नसल्याचे स्पष्ट केलं.
आरक्षण दिल्याशिवाय सरकार स्वस्थ बसणार नाही-एकनाथ शिंदे
मराठा समाजाबाबत सरकार गंभीर आहे. मराठा आरक्षण देण्याबाबत सरकार कटिबध्द आहे. मराठा समाजाला आरक्षण देताना इतर कोणत्याही समाजावर अन्याय करणार नाही. मराठा समाजाला आरक्षण दिल्याशिवाय सरकार स्वस्थ बसणार नाही, अशी गाव्ही मुख्यमंत्री एकनाथ शिंदे यांनी दिली.
समिती एक महिन्यात अहवाल सादर करणार
सरसकट मराठ्याला कुणबी प्रमाणपत्र मिळावे अशी मागणी जरांगे यांनी केली आहे. यासंदर्भात मराठा आरक्षणावरील समितीसाठी सरकारचा जीआर काढण्यात आला.यावर 5 सदस्यांची समिती नेमण्यात आली. निवृत्त न्यायधीश संदिप शिंदेंच्या अध्यक्षतेखाली समिती गठीत करण्यात आली आहे.ही समिती मराठा-कुणबी नोंदी तपासणार आहे. याचबरोबर निजामकालीन मराठा-कुणबी नोंदी तपासणार आहे.नोंदी तपासण्यासाठी समिती हैदराबादला जाऊन एक महिन्यात अहवाल सादर करणार आहे. समिती दाखला देण्याबाबत कार्यपध्दती ठरवणार असून, कार्यपध्दती ठरल्यानंतर कुणबी दाखले मिळणार.यामध्ये नोंदी असलेल्या मराठ्यांना कुणबीचं जातप्रमाणपत्र मिळणार आहे.
