Manis Sisodiya: दिल्लीचे उपमुख्यमंत्री मनीष सिसोदिया यांच्यावर झालेल्या आर्थिक गैरव्यवहाराच्या आरोपानंतर आज पुन्हा सीबीआयने चौकशीसाठी बोलावलं आहे.आता सिसोदियांना अटक करण्यात येणार असल्याच्या चर्चाही सध्या देशभरात सुरू आहे. दरम्यान, आपने मनीष सिसोदिया यांच्या कुटुंबाचा एक फोटो ट्विटरला शेअर केला. आहे. आईचा आशीर्वाद ज्याच्या सोबत आहे त्याच्या डोक्यावर देवाचा हाथ असतो. अशा आशयाचे कॅप्शन शेअर केलं आहे. यानंतर ट्विटरला ट्रेंडला सिसोदियां आणि संजय राऊत यांचा फोटो व्हायरल झाला आहे.
काय आहे ट्विटर ट्रेंड
सीबीआयने चौकशीसाठी ताब्यात घेतल्यानंतर सिसोदिया आपल्या परिवाराला भेटले आहेत. आईला त्यांनी मिठी मारली, तिचा आशीर्वाद घेतला. तसंच सिसोदियांच्या पत्नीने त्यांना ओवाळलंही आहे. आता हेच सगळं संजय राऊतांना चौकशीला नेत असतानाही घडलं होतं. त्याचीच आठवण आता नेटकऱ्यांना आलेली आहे.मनीष सिसोदियांनी संजय राऊतांची स्टाईल कॉपी केली आहे अशा कमेन्ट केल्या आहेत. असं म्हणत काही जणांनी याची चेष्टा केली आहे, तर काही जणांनी त्यांचं कौतुक केलं आहे.तर काही जणांनी यावरुनच त्यांच्या अटकेचा अंदाज वर्तवला आहे. अशाच प्रकारे संजय राऊतही आई आणि पत्नीला भेटून गेले होते आणि त्यानंतर त्यांना थेट अटक झाली आणि आज ते तुरुंगात आहेत. उद्या तुम्हीही तुरुंगात जाल, असं काही जणांनी आपल्या कॉमेंट्समध्ये म्हटलं आहे.
