मांद्रे सरकारी प्राथमिक, माध्यमिक विद्यार्थ्यांसाठी आर्थिक साहाय्य

मोरजी  : श्री देव सप्तेश्वर भगवती प्रमुख पंचायतन देवस्थान मांद्रे गोवा यांच्या वतीने यावर्षी प्रथमच मांद्रे गावच्या सरकारी प्राथमिक शाळा तसेच इतर प्राथमिक व माध्यमिक शाळांतील गरजू विद्यार्थ्यांसाठी आर्थिक मदत देण्याचा कार्यक्रम दिनांक 17 जून 2023 रोजी सकाळी साडेदहा वाजता मांद्रे हायस्कूलच्या सभागृहात पार पडला. या कार्यक्रमासाठी मांद्रे गावचे सरपंच ?ड.अमित सावंत हे प्रमुख पाहुणे म्हणून उपस्थित होते. तसेच मांद्रे गावच्या उपसरपंच सौ.तारा हडफडकर आणि मांद्रे हायस्कूलचे मुख्याध्यापक विवेक बोडके हे खास अतिथी म्हणून हजर होते. यावेळी सर्व शाळांमधून एकूण 40 विद्यार्थी व विद्यार्थिनींना आर्थिक मदत देण्यात आली. प्राथमिक विभागातील विद्यार्थ्यांना प्रत्येकी ऊपये 2000 तसेच माध्यमिक विभागातील विद्यार्थ्यांना प्रत्येकी ऊपये 3000 या प्रमाणे 92 हजार ऊपयांचे वितरण मान्यवरांच्या हस्ते करण्यात आले. कार्यक्रमाचे प्रमुख पाहुणे ?ड.अमित सावंत व उपस्थित मान्यवरांनी समाजाच्या हितासाठी वावरण्राया देवस्थान समितीच्या या आगळ्यावेगळ्या कार्यक्रमाची प्रशंसा केली.कार्यक्रम व देवस्थान समितीचे अध्यक्ष श्री. हरि प्रभू यांनी उपस्थितांचे स्वागत केले तसेच समितीचे चिटणीस श्री.श्रीपाद देसाई यांनी आभार प्रदर्शन केले.या कार्यक्रमाचे सूत्रसंचालन श्री. अनिकेत प्रभू यांनी केले.हा कार्यक्रम यशस्वी करण्यासाठी देवस्थान समितीचे सभासद श्री.नारायण मांद्रेकर,श्री. देवेंद्र प्रभू,श्री. अनंत देसाई,श्री.देविदास प्रभू तसेच इतरांनी मदत केली.